Shymkentte kóktem qarsańynda 1 mln 37 myń dana qyzǵaldaq egildi
ShYMKENT. QazAqparat - Shymkentte kóktemge daıyndyq jumystary bastalyp ketti. Shym shahardyń sımvolyna aınalǵan qyzǵaldaq gúlinen 1 mln 37 myń dana egildi, dep habarlaıdy QazAqparat tilshisi.
Qalalyq ákimdiktiń baspasóz qyzmeti málimetinshe, kóktem mezgilindegi alǵashqy merekelerge daıyndyq retinde aryqtar men arnalar qum-qıyrshyqtan tazartyp jatyr.
«Kommýnaldyq kásiporyndar aıaldamalardy, ondaǵy jóndeýdi qajet etetin oryndyqtardy, pavılondardy retke keltirýde. Sonymen qatar, jalpy qalalyq senbilik uıymdastyrý josparlanyp otyr. Al, bıylǵy jyly otyrǵyzylǵan qyzǵaldaqtardyń gúldeýine de az ýaqyt qaldy» delingen habarlamada.
Eske salsaq, bıyl qyr gúlderi gúldep bolǵan soń ornyna, 14500 sharshy metr aýmaqqa tagetıs, katarantýs, shafran, petýnııa, salvııa syndy jazdyq gúlder egiletin bolady. Sondaı-aq, 29396 sharshy metr jerge egiletin raýshan gúlder de qala kósheleriniń kórkin asha túspek.
Sondaı-aq, shahar basshylary barlyq turǵyndardy óz úıleriniń aýlalaryn tazartýǵa shaqyryp otyr.
