Shymkentte kóktem - Qańtardyń basynda aǵashtar búrshik jardy
ASTANA. QazAqparat - Qazaqstan aýmaǵy arqyly Arktıkalyq antıtsıklon ótkenine qaramastan, Shymkentte demalys kúnderi kún jyly boldy, dep habarlaıdy «QazAqparat» HAA tilshisi.
20 jáne 21 qańtarda aýa temperatýrasy 13-14 gradýs jylyny kórsetti. Túnde eń tómengi temperatýra -1 gradýqa ǵana tómendedi.
Sınoptıkterdiń boljamyna qaraǵanda, bul aýa raıy 23 qańtarǵa deıin jalǵasady, keıin kún sýytpaq.
Bul qańtarda ońtústiktegi alǵashqy kúnniń jylynýy emes. Aıdyń basynda aǵashtar búrshik jaryp, baqbaq gúldegen edi.
Eske sala keteıik, elimizdiń soltústigi 40-45 gradýs aıazǵa daıyndalyp jatyr.
