Shymkentte «Kók týdyń jelbiregeni» atty patrıottyq jıyn ótti

ShYMKENT. QazAqparat – Shymkentte «Kók týdyń jelbiregeni» atty patrıottyq jıyn ótti. Táýelsizdik kúnine arnalǵan shara Shymkent qalasynyń jáne Túrkistan oblysynyń kásipodaq uıymdarynyń qoldaýymen uıymdastyryldy, dep habarlaıdy QazAqparat tilshisi.

Jıynda uıym birlestiginiń tóraǵasy Berik Bekjanov qala turǵyndaryn Táýelsizdik merekesimen quttyqtady, jyly lebizin bildirip ótti. Kók baıraǵymyzdy qasterlep, ardaq tutýǵa shaqyrdy. Sondaı-aq, aǵymdaǵy jyldyń shilde aıynda áleýmettik jelilerde bastaý alǵan aktsııaǵa belsendi atsalysqan patrıot azamattarǵa arnaıy dıplom men tósbelgilerin tabys etti.

Marapattalǵandardyń qatarynda Ál-Farabı aýdanynyń ákimi Ǵabıt Máýlenqulov pen beıneleý óneri murajaıynyń dırektory Aınabek Ospanov, aqyn Dáýren Aımanbet pen «Shymkent kelbeti» jáne «Panorama Shymkenta» gazetteriniń tilshileri Qaırat Karıbaev, Aqmaral Moldııarqyzy bar. Memlekettik rámizderimizdi qurmetteýge shaqyrǵan is-shara fılarmonııa ónerpazdarynyń kontsertimen jalǵasty. Aıta keteıik, «Kók týdyń jelbiregeni estafetasy» patrıottyq aktsııasynda bilim, densaýlyq, mádenıet salalarynyń qyzmetkerleri belsendilik tanytqan bolatyn.