Shymkentte qoǵamdyq kólikterdi zalalsyzdandyrý jumystary kúsheıtildi

ShYMKENT. QazAqparat - 5 shildeden bastap Shymkent qalasynda qoǵamdyq kóliktiń 20 paıyzy ǵana jumys isteýde. Olardyń qatarynda «ıANS» JShS, «ıANS-2» JShS, «Ekspress» JShS, №4 avtokombınat bar, dep habarlaıdy QazAqparat QR Kásipodaqtar federatsııasy saıtyna silteme jasap.

Qoǵamdyq kólikterdiń qysqartylýynyń basty sebepteriniń biri – sanıtarlyq-epıdemıologııalyq talaptardyń saqtalmaýy bolyp otyr. Osy oraıda, Shymkent qalasynyń Avtomobıl kóligi jáne jol kásiporyndarynyń jergilikti kásipodaǵy qoǵamdyq kólikter men avtobýs turaqtarynda zalalsyzdandyrý jumystarynyń júrgizilýin baqylaýǵa aldy.

Búginde Shymkent qalasynyń bas dárigeriniń №25 qaýlysyna sáıkes, karantındik rejımniń kúsheıtilgeni málim. Sondyqtan da, dezınfektsııa jumystary turaqty túrde júrgizilýde. Sondaı-aq, jolaýshylardyń betperdemen kirýi jáne qoǵamdyq kólikterdiń ishinde araqashyqtyqtyń saqtalýy qatań baqylaýǵa alynǵan.