Shymkentte qoǵamdyq kólikter parki 39 jańa avtobýspen tolyqty

ShYMKENT. QazAqparat -Shymkent qalasyna jańa avtobýstar jetkizilip, qalanyń qoǵamdyq qyzmet kórsetý salasy 39 jolaýshy tasymaldaıtyn kólikpen tolyqty. Jańa dızaındy avtobýstar qalanyń shalǵaı aýdandaryna áleýmettik mańyzdy baǵyttarmen júretin bolady, dep habarlaıdy QazAqparat tilshisi.

Sala mamandarynyń málimetinshe, qoǵamdyq kólikter «Evro 5» sanatyna jatady. «ıÝtong» markaly bul avtobýstardyń syıymdylyǵy joǵary, zamanaýı jáne qolaıly.

Aıta keteıik, búginde Shymkentte kúndelikti 1151 avtobýs turǵyndarǵa qyzmet kórsetedi. Onyń basym bóligi 7 jyldan beri baǵyttarda júr.

Qalalyq jolaýshylar kóligi jáne avtomobıl joldary basqarmasy mamandarynyń aıtýynsha, ótken jyly qalaǵa 41 jańa avtobýstar ákelingen bolatyn.