Shymkentte qoǵamdyq kólikpen bolǵan jol apatynan bir adam qaza boldy
ShYMKENT. QazAqparat - Shymkentte qoǵamdyq kólikpen bolǵan jol apatynan bir adam qaza boldy. Aýyr jaraqat alǵan áıeldiń baýyry men ókpesine qatty zaqym kelip, ol aýrýhana tóseginde jan tásilim etken, dep habarlaıdy QazAqparat HAA tilshisi.
Jedel járdem aýrýhanasy dárigerleriniń sózine qaraǵanda, avtobýs aýdarylǵan kúni emdeý mekemesine alty adam túsken. Qazir olarǵa alǵan jaraqattaryna baılanysty emdeý sharalary júrgizilýde.
Eske salaıyq, jol kólik oqıǵasy 13 maýsym kúni keshki saǵat altylar shamasynda Shymkenttiń irgesinde oryn alǵan. Jolaýshylar avtobýsy men júk tasýshy jáne «Opel» kólikteri soqtyǵysyp qalǵan bolatyn. Saldarynan 18 jolaýshysy bar qoǵamdyq kólik bir aýdalyp túsken edi. Jol apatynan 15 adam jaraqattanyp, altaýyn jedel-járdem qyzmeti aýrýhanaǵa jetkizgen. Qazir óńirdiń tártip saqshylary jol kólik oqıǵasyna kinálilerdi anyqtaýda.
