Shymkentte qoǵamdyq kólik máselesi talqylandy
ShYMKENT. QazAqparat - Ońtústik Qazaqstan oblysynyń ortalyǵynda qala əkimdigi apparatynyń kezekti jıynynyń kún tártibinde eki məsele alǵa qoıylyp, qaladaǵy qoǵamdyq kólik qyzmetiniń jaǵdaıy, sonymen qatar týrızmdy damytýdyń joldary men múmkindikteri sóz boldy, dep habarlaıdy oblys ákimdiginiń baspasóz qyzmeti.
Jolaýshylar kóligi jəne avtomobıl joldary bóliminiń basshysy K.Jumataev qala aýmaǵynda kúndelikti 440 myń jolaýshy tasymaldaýmen aınalysatyn 29 kompanııaǵa tıesili 1 130 avtobýs pen shaǵyn avtobýstar bar ekendigin məlimdedi. Ári 2015-2016 jylǵa 230 avtobýs aýystyrylǵandyǵyn, jáne qala shekarasynyń ulǵaıýyna baılanysty shalǵaıda turatyn turǵyndardy tasymaldaýda birqatar məseleler týyndaǵanyn da aıtyp ótti.
Osy məseleni sheshý maqsatynda memlekettik-jekemenshik seriktestik aıasynda birlesken «Shymkent Bas» JShS kompanııasy quryldy. Atalǵan avtobýs parkiniń kólikteri jolaýshylarǵa oblys ortalyǵynyń erekshe mańyzdy baǵyttary boıynsha qyzmet kórsetetin bolady. Sonymen qatar, qaladaǵy jolda júrý qaýipsizdigin qamtamasyz etý maqsatynda bıyl avtojoldarda 325 jasandy kedergi, 60 jasóspirimderge arnalǵan jol júrý túsindirme taqtaıshalary, mektep janynan 9 jańa baǵdarsham quryldy.
Jıynnyń kún tártibindegi ekinshi məsele boıynsha qalalyq kəsipkerlik bólimi basshysynyń m.a. Əset Ábdirahanov baıandama jasady. Ol óz sózinde aǵymdaǵy jyly shaharǵa kelýshi týrıster legi kóbeıgenin atap ótti. Ótken jylmen salystyrǵanda bıyl qalamyzǵa kelgen týrıster sany 4 myń adamǵa artqan. Týrızmdi damytý múmkindikteri retinde Ə.Ábdirahanov «Shymkent Plaza» saýda ortalyǵynyń, bes juldyzdy Holiday Inn Shymkent qonaq úıiniń ashylýy, Shymkent city jobasynyń iske asyrylýy, Shymkent mall saýda ortalyǵynyń, jańa əýejaı men temir jol vokzalynyń qurylysy, sondaı-aq Badam ózeni jaǵalaýy men Toǵys sý qoımasy, «Eski qalany» týrıstik aımaqqa aınaldyrýdy atap ótti. Búgingi tańda Shymkentte 131 mamandandyrylǵan týrıstik uıym jumys isteýde. Onyń ishinde 25 týroperator, 106 týrıstik agenttik, 2 balalar saýyqtyrý lageri, 41 týrıstik nysan men 69 qonaq úı jumys istep tur.
