Shymkentte qoǵamdyq qaýipsizdikti saqtaý boıynsha júıeli jumystar atqarylyp keledi
ShYMKENT. QazAqparat – Shymkentte qoǵamdyq qaýipsizdikti saqtaý boıynsha júıeli jumystar atqarylyp keledi. Nátıjesinde qoǵamdyq oryndardaǵy jasalǵan qylmystardyń sany 5020-dan 4832-ge tómendep, ıaǵnı 4 paıyzǵa kemip otyr, dep habarlaıdy QazAqparat tilshisi.
Qalalyq Polıtsııa departamenti baspasóz qyzmetiniń málimetinshe, ótken jylmen salystyrǵanda kóshelerde oryn alǵan qylmystardyń sany 2723-ten 2568-ge azaıyp, kórsetkishi 6 paıyzǵa túsken. Al, jasóspirimdermen jasalǵan qylmystardyń sany 218-den 165-ke nemese 24 paıyzǵa tómendep otyr.
Jedel-qyzmettik jumystardyń nátıjesinde oryn alǵan qylmystardyń sany ótken jylmen salystyrǵanda 13783-ten 12238-ge tómendep, kórsetkishi -11 paıyzǵa azaıǵan. Qylmystardyń ashylý paıyzy 30-dan 35-ke jaqsarǵan. Onyń ishinde aýyr jáne asa aýyr qylmystardyń ashylymy 70-ten 73 paıyzǵa, orta jáne aýyrlyǵy onsha emes qylmystardyń ashylymy 27-den 31 paıyzǵa jaqsaryp otyr.
Atqarylǵan is-sharalardyń nátıjesinde asa aýyr qylmystardyń sany 60-tan 41-ge tómendep, túsý kórsetkishi 32 paıyzdy quraǵan. Adam óltirý faktisi 27-den 19-ǵa tómendep, kórsetkishi 30 paıyzǵa túsken. Denege aýyr dárejede jaraqat salý boıynsha 65-ten 42-ge azaıyp, kórsetkishi 35 paıyzǵa tómendegen. Qaraqshylyq qylmysy 23-ten 16-ǵa kemip, kórsetkishi 30 paıyzdy quraǵan.
Tonaý faktisi boıynsha 442-den 315-ke túsip, kórsetkishi 29 paıyz bolyp otyr. Buzaqylyq qylmysynyń sany 476-dan 410-ǵa tómendep, kórsetkishi 14 paıyzǵa azaıǵan. Urlyq qylmystarynyń sany 8537-den 7351-ge azaıyp, kórsetkishi 14 paıyzdy qurady. Bopsalaý faktisi boıynsha 32-den 15-ke tómendep, kórsetkishi 53 paıyzǵa túsken.
Qarýdy jymqyrýdyń sany 9-dan 7-ge tómendep, kórsetkishi 22 paıyzdy qurap otyr.
Oryn alǵan qylmystardy sotqa joldaý barysynda ótken jylmen salystyrǵanda sotqa joldanǵan isterdiń sany 4204-ten 4617-ge deıin kóbeıip, 10 paıyzǵa artyp otyr. Onyń ishinde jedeldetilgen óndirispen joldanǵan isterdiń sany 1004-ten 1516-ǵa joǵarylap, 51 paıyzǵa artyp otyr. Qaıta tergeýge joldanǵan isterdiń sany 39-dan 53-ke nemese 35 paıyzǵa óskeni sotqa joldanǵan isterdiń sanynyń 208 iske ósýi sebep bolyp otyr, alaıda Respýblıkalyq kórsetkishten 0,1 paıyzǵa, ıaǵnı 1,5-ten 1,4-ke tómen. Toqtatý týraly qaýlynyń buzylýy 579-dan 503-ke nemese 13 paıyzǵa tómendegen.
