Shymkentte kenelerge qarsy óńdeý jumystary bastaldy
«Shymkent qalasynda 2021 jyly Kongo-Qyrym qandy bezgegi syrqatynyń 2 jaǵdaıy tirkeldi. 2022 jyldyń 3 aıynda aýrý jaǵdaılary tirkelmedi. Degenmen, búgingi tańda qala boıynsha kene shaǵyp, medıtsınalyq kómekke 22 adam júgingen. Kene shaǵý jaǵdaılary byltyrǵy jyldyń osy mezgilimen salystyrǵanda 3 ese artqan (2021 jyly – 7 jaǵdaı).
Málim etilgendeı, Shymkent qalasy Kongo-Qyrym qandy bezgegi syrqatynyń qolaısyz aımaqtar qataryna jatady.
Aýrýdyń aldyn alý úshin qalada jyl saıyn eldi mekenderdiń aınalasyndaǵy sanıtarlyq qorǵaý aımaqtaryn kenege qarsy óńdeý, sondaı-aq janýarlardy, mal qoralaryn jáne býferlik aımaqtardy óńdeý jumystary júrgiziledi. Qalada dezınfektsııa ortalyǵy men veterınarlyq qyzmet tarapynan kóktemgi dezınfektsııalaý is-sharalary bastaldy.
Óńdeý jumystary 30 mamyrǵa deıin jalǵasady.
«Sondyqtan qala turǵyndarynan úıge irgeles aýmaqtarǵa, mal qoralaryna mehanıkalyq tazartý júrgizýdi suraımyz. Óńdeý júrgizilgen jerden qı shyǵarý, ıaǵnı kenelerdiń kóbeıýin jáne adamdar arasynda atalǵan syrqattyń aldyn alý maqsatynda dezınfektsııa jumysyn sapaly júrgizý úshin jaǵdaı jasaý qajet», - delingen komıteti habarlamasynda.
