Shymkentte kelesi jyly jańadan 4 saıabaq salynady

ShYMKENT. QazAqparat – Shymkent qalasynda kelesi jyly jańadan 4 saıabaqtyń qurylysyn júrgizý josparlanyp otyr. Qalalyq máslıhat depýtattaryn 2020 jyly atqarylatyn jumystardyń josparymen tanystyrǵan qala ákimi Erlan Aıtahanov jańa saıabaqtar qaı aýdandardan salynatynyn aıtty, dep habarlaıdy Qazaqparat tilshisi.

Qala basshysynyń sózinshe, 4 saıabaqty burynǵy qoqys polıgony aýmaǵynda, Ákimshilik-iskerlik ortalyǵynda, №1 avtojol boıynda jáne «Qasiret» memorıalynyń janynda salý josparlanyp otyr. Sonymen qatar, qalanyń ortalyǵynan ótetin Qoshqar ata ózeniniń jaǵalaýy abattandyrylyp, kópshilik demalys aımaǵyna aınalmaq.

Tashkent, Túrkistan jáne Bozaryq baǵyttaryndaǵy qalaǵa kiretin joldardyń boıy da kórkeıedi dep kútilýde.

Sonymen qatar, 2020-2022 jyldar aralyǵynda Shymkentte 586 turǵyn úı paıdalanýǵa berilmek. Bul rette qala ákimi negizgi qurylys aýmaǵy - Turan shaǵyn aýdanynda bolatynyn atap ótti.

Onyń ishinde 2020 jyly 9 016 páterli 161 turǵyn úı salynbaq. Al, 2021 jyly salynatyn 193 turǵyn úıde 10 808 páter, 2022 jyly salynatyn 232 turǵyn úıde 12 992 páter bolady dep josparlanǵan. Nátıjesinde 32 816 otbasy baspanamen qamtylmaq.

«Aýyl sharýashylyǵyn sýbsıdııalaýǵa 4 226 mln teńge bólindi. Birinshi kezektegi azyq –túlik taýarlarynyń qorlaryn qurýǵa jáne baǵalardy turaqtandyrýǵa 1 961 mln teńge qarastyryldy»,- dedi qala ákimi Erlan Aıtahanov.