Shymkentte keler jyly halyqaralyq ınvestıtsııalyq hab qurylmaq
ShYMKENT. QazAqparat - Ońtústik Qazaqstan oblysyndaǵy «OŃTÚSTІK» aımaqtyq ınvestıtsııalyq ortalyǵy men sıngapýrlyq qarjylyq kompanııasy arasynda ózara yntymaqtastyq týraly memorandýmǵa qol qoıyldy.
Mundaǵy maqsat - ortalyq jobalaryna shetel ınvestıtsııalaryn tartý jáne eksporttyq áleýetin damytý bolyp tabylady, dep habarlaıdy QazAqparat tilshisi.
Sıngapýrdyń ınvestıtsııalyq qorlarynyń atynan jumys júrgizetin kompanııa Taıland, Mońǵolııa jáne basqa da Azııa elderinde ınvestıtsııa tartý boıynsha aıtarlyqtaı tájirıbege ıe. Osy oraıda yntymaqtastyq, jetekshi ınvestıtsııalyq qorlardyń halyqaralyq qarjy resýrstaryna qol jetkizýi úshin kompanııalardyń qarjylyq daıyndyǵynyń deńgeıin kezeń-kezeńmen damytýǵa múmkindik týmaq. Sondaı-aq, qaryzdy qarjylandyrý nemese úlestik qatysý arqyly kompanııany qarjylandyrý jáne de Shymkentte halyqaralyq ınvestıtsııalyq hab qurý múmkindigi qaralýda.
Búginde Ońtústik Qazaqstan oblysy jańa qarjy kózderin damytý boıynsha eń belsendi ári jetekshi bıznes ortalyǵy bolyp tabylady. Osynyń aıasynda memorandýmnyń sharttaryn is júzinde júzege asyrý sheńberinde sheteldik ınvestorlarǵa tanystyrý úshin oblystyń 100 bıznes jáne áleýmettik jobasyn iske asyrý josparlanýda.
Aıta keteıik, «RIC ON EXPORT» eksporttyq áleýetti damytý baǵdarlamasynyń aıasynda qos tarap óńirimizdiń eksporttalatyn ónimderine Qytaı men Ońtústik-Shyǵys Azııadan suranysqa ıe jobalarǵa ınvestıtsııa salý máselesin zertteý isi qolǵa alynbaq.
