Shymkentte keler jyly halyqaralyq aqyndar aıtysy ótedi
Shym shahar 2020 jyly Táýelsiz memleketter dostastyǵy elderiniń mádenı astanasy bolyp jarııalanǵany belgili. Odan bólek, kelesi jyly ıÝNESKO kóleminde Shymkent qalasynyń 2200 – jyldyq mereıtoıy keń kólemde atalyp ótpek.
Máslıhat otyrysynda málim bolǵandaı, keler jyldyń kóleminde TMD elderi óner sheberleriniń merekelik kontsertterin uıymdastyrý josparlanǵan. Sonymen qatar, «Jibek joly» ulttyq salt-dástúr men zamanaýı qolóner kórmesi, «Shymkent – qyzǵaldaqtar qalasy» TMD elderiniń sýretshiler jáne fotosýretshiler baıqaýyn ótkizý kózdelip otyr.
Budan ózge, drama teatrlary men anımatsııalyq fılmder, opera juldyzdarynyń festıvali, Halyqaralyq aqyndar aıtysy jáne alǵash ret «Dýsha Evrazıı» I halyqaralyq estrada ánderin oryndaýshylardyń festıvali uıymdastyrylady. Aqyn-jazýshylardyń kezdesýleri men taǵy basqa is-sharalar ótkiziledi dep kútilýde.