Shymkentte keler jyly 10 myńǵa jýyq jumys ornyn ashý josparlanǵan - Erlan Aıtahanov

NUR-SULTAN. QazAqparat – Shymkent qalasynyń ákimi Erlan Aıtahanov Nur-Sultan qalasynda ótken brıfıng barysynda ınvestorlardy qoldaý jáne damý jobalaryn tıimdi iske asyrý maqsatynda jlbalyq keńse qurylǵanyn atap ótti. Atalǵan joba elimizde avtorlyq ádistemesi bar «Evnı grýpp» konsaltıngtik uıymymen birlesip engizilgen, dep habarlaıdy QazAqparat tilshisi.

Shahar basshysynyń sózinshe, atalǵan joba 4 bazalyq baǵyt boıynsha júzege asyrylady. ıAǵnı, «adamı kapıtal», «ınfraqurylymdy damytý», «kásipkerlik, ındýstrııa jáne agroónerkásip», «memlekettik qyzmet» salalary boıynsha quny 213 mlrd teńgege 387 jobany tıimdi iske asyrýǵa múmkindik beredi. Nátıjesinde kelesi jyly 10 myńǵa jýyq jumys ornyn ashý josparlanýda.

«Kelesi jyly aýmaǵy 306 gektar jerge 3-shi jańa «Juldyz» ındýstrııalyq aımaǵyn qurý jumystary júrgiziledi. Qazirgi tańda tehnıkalyq-ekonomıkalyq negizdemesi ázirlenýde. Investorlar tarapynan qyzyǵýshylyq joǵary. Búginniń ózinde 20 mlrd teńgege 1 myńǵa jýyq jańa jumys ornymen 20 joba júzege asyrýǵa ınvestorlar nıet bildirdi. Bul jobalar tamaq, qurylys jáne metallýrgııa, medıtsına, mashına jasaý salalaryna qatysty»,- dedi Erlan Aıtahanov.