Shymkentte keden qyzmetkerleri kásipkerdiń júgin esh sebepsiz 4 kún boıy resimdemeı qoıǵan

ShYMKENT. QazAqparat - Shymkentte keden qyzmetkerleri júk resimdeýdi negizsiz 4 kúnge sozǵan, dep habarlaıdy QazAqparat tilshisi.

Sybaılas jemqorlyqqa qarsy qyzmettiń Call-ortalyǵyna habarlasqan kásipker Ózbekstannan alyp kele jatqan júkti kedendik resimdeý kezinde kedergilerge kezdeskenin aıtqan.

Keden organdary 4 kún boıy elektrondy kedendik deklaratsııany kelisý boıynsha sheshim qabyldamaǵan.

Al mamandardyń aıtýynsha, zań júzinde mundaı sheshimdi qabyldaý merzimi 8 saǵattan aspaýy kerek.

«Shymkent qalasy boıynsha Antıkor qyzmetkerleri keden beketine baryp, túsindirý jumystaryn júrgizdi. Nátıjesinde kásipkerge kedendik resimdeýge kelisim berildi. Júk ótinish bildirgen kúni shekaradan ótti» - delingen sybaılas jemqorlyqqa qarsy qyzmet Shymkent qalasy boıynsha departamentiniń baspasóz qyzmeti taratqan aqparatta.