Shymkentte «Qazpochta» AQ-nyń jańartylǵan ortalyǵy ashyldy
ASTANA. QazAqparat - Búgin Shymkentte jańa formatta jumys isteıtin pochta bólimshesi el ıgiligine paıdalanýǵa berildi. Tutynýshylarǵa qyzmet kórsetý prıntsıpteri jetildirilgen «Qazpochta» AQ-nyń jańartylǵan Ortalyq operatsııa ýchaskesiniń ashylý rásimine oblys ákimi Janseıit Túımebaev qatysyp,ujym qyzmetkerlerin zamanaýı talaptarǵa saı jabdyqtalǵan pochta bólimshesiniń ashylýymen quttyqtady, dep habarlaıdy OQO ákimdiginiń baspasóz qyzmeti.
«Oblysymyzda osyndaı jańartylǵan júıede Qazpochta» AQ 20 bólimshesiniń jumys jasap turýy kompanııa basshylyǵynyń jańa jyl qarsańyndaǵy tartýy dep esepteımiz», - dedi óńir basshysy Janseıit Qanseıituly.
Sońǵy kezderi zamannyń suranysyna saı órkenıetti elderdiń úlgisine ótip, 160 qyzmet túrin kórsetýge kóshý úlken jetistik. Mundaı jańashyl baǵyttaǵy jumysty Ońtústik Qazaqstan oblysynda «Qazpochta» fılıalynda eńbek etetin 1400-ge jýyq maman júrgizip jatyr.
Jańartylǵan Ortalyq operatsııa ýchaskesi klıentterge qolaıly bolý úshin birneshe aýmaqqa bólingen: pochtalyq jáne qarjylyq qyzmetter boıynsha jeke tulǵalar úshin operatsııalyq zal, korporatıvti klıentterge qyzmet kórsetý boıynsha oryndar, sálemdemeler sýpermarketi, qyzmet kórsetý orny men aıyrbastaý pýnkti.
Ortalyq zalda kelýshilerge qyzmet kórsetý formaty ózgertilip, qolaısyz kabınalar ornyna sálemdemeler sýpermarketi jumys isteıdi.
Bul format kompanııanyń óndiristik shyǵyndaryn qysqartýǵa aıtarlyqtaı úlesin qosady, turǵyndardyń ótý qabiletin joǵarlatady, tutynýshylar úshin - sálemdemelerdi alý jáne jiberý ýaqytyn qysqartady.
Aıta keteıik, poshtalyq jáne qarjylyq qyzmetter boıynsha jeke tulǵalar úshin operatsııalyq zal aptasyna 6 kún qyzmet jasaıdy: jumys kúnderi saǵat 08:00-den 19:00-ge deıin, senbi kúni saǵat 09:00-den 17:00-ge deıin.
Sonymen qatar aptasyna 5 kún koorporatıvti klıentterge qyzmet kórsetý boıynsha jeke oryndar jumys jasaıdy. Jumys kestesi: saǵat 09:00-den 18:00-ge deıin.
Ózdiginen qyzmet kórsetý ornynda postamattar, bankomattar jáne tólem termınaldary qoıylǵan. Al, aıyrbastaý pýnkti aptasyna 7 kún jumys jasaıdy saǵat 08:00-den 22:00-ge deıin. Sálemdemeler sýpermarketi jumys kúnderi saǵat 08:00-den 21:00-ge deıin, demalys kúni saǵat 08:00-den 17:00-ge deıin elge qyzmet etedi.
Budan bólek, oblysymyzdyń 10 aýdan ortalyǵynda modernızatsııalanǵan jedel basqarý ortalyqtary jergilikti turǵyndardyń jumysyn jeńildetetin bolady. Sondaı-aq halyqqa qyzmet kórsetý sapasyn jaqsartý maqsatynda 43 jańa avtotransport paıdalanýǵa berildi.
