Shymkentte qazaqstan-ıran forýmynda eki el kásipkerleri birlesken kásiporyndar qurýdyń joldaryn talqylaýda
ShYMKENT. Jeltoqsannyń 15-i. QazAqparat /Tatıana Pylaeva/ - Shymkentte 180-nen astam sheteldik jáne 100-ge jýyq otandyq kompanııa ókilderiniń qatysýymen qazaqstan-ıran bıznes-forýmy ótýde.
Bul eki el kásipkerleriniń osyndaı formattaǵy ekinshi kezdesýi - alǵashqy forým byltyr ótken bolatyn.
Kezdesý óz nátıjelerin berýde - jańa birlesken kásiporyndar ashyldy. Biraq negizinen, olar - ázirge Iran men Qazaqstan ónimderi satylatyn saýda úıleri. Biraq Keden odaǵyn qurý qarsańynda Qazaqstanda ekonomıkalyq jaǵdaı ózgeredi, sondyqtan ırandyq kásipkerler yntymaqtastyqtyń óz ádisterin úılestirýleri kerek, dep sanaıdy forýmǵa qatysýshylar.
«Keden odaǵy qurylǵannan keıin ırandyq taýarlardyń básekege qabileti tómendeıdi. Iran taýarlarynyń Qazaqstanda qatysýynyń jalǵyz joly - birlesken kásiporyndar qurý jáne jınaqtaýshy buıymdardy jetkizý. Iran qazir osy baǵytta jumys isteýde», - dedi Indýstrııa jáne saýda mınıstrligi Saýda komıtetiniń tóraǵasy Aıdar Qazybaev.
Eki el arasyndaǵy taýar aınalymy jyl saıyn ótýde. 2008 jyly bul kórsetkish 602 mıllıon dollardy qurady.
«Biz Qazaqstannan astyq, asbest, metall buıymdar, maqta, munaı-gaz jáne metallýrgııa salasynyń ónimderin satyp alamyz. Biraq qazir bizdiń elimiz Qazaqstanda júzege asyrý úshin ınvestıtsııalyq jobalar izdestirýge yqylas tanytýda», - dedi Irannyń saýda mınıstriniń orynbasary Hamıd Álıhamı.
Forým aıasynda Iran kásiporyndary óndirgen taýarlardyń jármeńkesi ótýde. Sondaı-aq sektsııalarda ónerkásiptiń túrli salalary men aýyl sharýashylyǵy máseleleri talqylanýda. Kezdesýlerdiń qorytyndylary boıynsha hattamalarǵa jáne yntymaqtastyq týraly nıet memorandýmdaryna qol qoıylady dep josparlanýda.
