Shymkentte Qazaqstan halqynyń birligi kúnine arnalǵan fleshmob ótti
ShYMKENT. QazAqparat - Ońtústik Qazaqstan oblystyq «Qazaqstan halqy Assambleıasy» ǵımaratynyń aldynda Shymkenttegi hımııa-bıologııa baǵytyndaǵy Nazarbaev Zııatkerlik mektebiniń oqýshylary fleshmob uıymdastyrdy. Sharaǵa qatysqan 500-deı jas beıbitshilik pen jalpyulttyq birliktiń qazaqstandyq úlgisin túrli qımyl-qozǵalystar arqyly dáriptedi, dep habarlaıdy QazAqparat tilshisi.
Merekelik sharada jas dombyrashylar bir mezette «Saryarqa» kúıin oryndap, «Qazaq batyrlary» bıin bıleıdi. Ár etnostyń bıi qamtylǵan papýrı kórermenderge kóterińki kóńil-kúı syılady. Saltanatty jıynda oblystyq «Qoǵamdyq kelisim» KMM basshysy Erbol Baıqonaqov pen Shymkent qalasy hımııa-bıologııa baǵytyndaǵy Nazarbaev zııatkerlik mektebiniń dırektory Balqan Qasymov quttyqtaý sóz sóılep, Qazaqstan halqynyń birligi kúni merekesiniń mańyzyna keńinen toqtalady. Odan keıin fleshmobqa qatysýshy jastar elimizdegi tatýlyqtyń nyshany retinde kókke shar ushyrdy.
Aıta ketý kerek, yntymaǵyn - yrysqa, birligin - berekege teńegen ońtústik óńirinde 20 etnomádenı birlestik pen olardyń 51 aýdandyq, qalalyq fılıaly jumys isteıdi. Ulystyń uıytqysyna balanǵan Ońtústik Qazaqstan oblysynda júzden astam etnos ókilderi jarasty ǵumyr keship, ortaq shańyraǵymyzdy kórkeıtýge úles qosyp keledi.
