Shymkentte Qazaqstan halqy Assambleıasynyń músheleri marapattaldy

ShYMKENT. QazAqparat – Shymkent qalalyq Qazaqstan halqy Assambleıasy janyndaǵy Qoǵamdyq kelisim keńesiniń «Táýelsizdik tiregi – tatýlyq» taqyrybyndaǵy otyrysy ótti. Jıynǵa qalalyq Assambleıa hatshylyǵynyń basshylyǵy, Qoǵamdyq kelisim keńesteriniń músheleri, aýdan ákimdikteriniń qyzmetkerleri, qalalyq assambleıa janyndaǵy qurylymdardyń jetekshileri qatysty, dep habarlaıdy QazAqparat tilshisi.

Saltanatty jıyndy qalalyq QHA janyndaǵy Qoǵamdyq kelisim keńesiniń tóraǵasy Orynbaı Rahmanberdıev sóz sóılep ashyp, kópshilikti Táýelsizdik kúnimen quttyqtady. Merekelik shara barysynda sondaı-aq Shymkent qalalyq Qazaqstan halqy Assambleıasy tóraǵasynyń orynbasary Muratáli Qalmuratov pen qalalyq koreı etno-mádenı birlestiginiń tóraıymy Roza Pak, qalalyq tatar-bashqurt etno-mádenı birlestiginiń tóraıymy Asıa Mýhammedovalar quttyqtaý sóz sóıledi.

El egemendigi men táýelsizdigi tynyshtyq pen turaqtylyqtyń arqasynda tolyqqandy qalyptasqanyn erekshe aıtyp ótti. Merekelik basqosýda elimizdiń Táýelsizdigi men el birligin nyǵaıtýǵa qosqan eleýli úlesi úshin birqatar azamattar Qazaqstan halqy Assambleıasynyń «Birlik» altyn medali» qoǵamdyq medalimen, «Jomart jan» tósbelgisimen, Qurmet gramotasymen jáne Alǵys hatymen marapattalady.

Aıta keteıik, ótken jyly qalalyq QHA janynan konsýltatıvti-keńesshi organ retinde qurylǵan keńesterdiń quramyna júzge tarta belsendi turǵyn múshelikke qabyldanǵan bolatyn.