Shymkentte «Qazaqııa» mýltfılmi túsirildi
ASTANA. 25 shilde. QazAqparat - Shymkentte balalarǵa arnalǵan "Qazaqııa" mýltıplıkatsııalyq fılmi túsirildi.
Bul týraly Otyrar TV habarlady.
Onyń avtory -anımatsııalyq rejısser Nurıddın Pateev ekranǵa shyǵatyn Qamshy men Asyq balalardyń súıikti keıipkerlerine aınalatynyna senimdi.
"Qazaqııa" mýltfılmi - anımatsııalyq serıal. Qazirgi kúni onyń 4 serııasy túsirildi. Árbir serııasy 7-8 mınýtqa sozylatyn mýltfılmge 3 mln. teńgeden astam qarjy jumsalǵan. Túsirilimine jarty jyldaı ýaqyt jumsalǵan mýltfılmniń basty keıipkerleri Qamshy men Asyq túrli oqıǵalardy bastan keshedi.
"Qazaqııada" keıipkerler qazaq folklorynnan túrli maqal-mátelderdi de aıtyp otyrady.
"Bizge batystyń dúnıelerin qaıtalap ne keregi bar? Baı tarıhymyz bar, brendterimiz jetkilikti. Ol týraly óskeleń urpaqqa aıtyp jetkizýimiz kerek. "Qazaqııa" mýltıplıkatsııalyq fılminiń bas keıipkerleri Asyq pen Qamshy arqyly biz balalarymyzǵa qazaq halqynyń salt-dástúrlerinen habar berýdi maqsat tuttyq", - deıdi mýltfılmniń rejısseri Nurıddın Pateev.
