Shymkentte «Qazaq jańa ınnovatsııalyq ýnıversıtet» salynady
ShYMKENT. QazAqparat - Ońtústik Qazaqstan oblysynda aǵymdaǵy jyly taǵy eki jataqhana men eń úlken «Qazaq jańa ınnovatsııalyq ýnıversıtetin» salý josparlanyp otyr. Bul týraly oblys ákimi Janseıit Túımebaev Shymkentte ótken jastardyń kóshpeli otyrysynda málim etti, dep habarlaıdy QazAqparat tilshisi.
Jastarmen bolǵan jıynda sóz alǵan oblys ákimi Janseıit Qanseıituly búginde qazaqstandyq jastar beıbit ómirde, álemniń kez kelgen memleketimen terezesi teń dárejede ómir súrip jatqanyn atap ótti.
«Elbasy Qazaqstan halqyna arnaǵan Joldaýlary men Úndeýlerinde de jastarǵa aıryqsha kóńil bólip keledi. Al bıylǵy «Bes áleýemettik bastamasy» jastarymyzǵa serpin berip qana qoımaı, stýdent jastardyń kedergisiz bilim alýyna, sondaı-aq jataqhana máselesi jáne bolashaqta óz kásibimen aınalysýǵa, baspanaly bolýdy da qarastyryp ótti. Al bizdegi joǵary oqý oryndarynda 7200-den astam stýdent-jastar turatyn 26 jataqhana qyzmet kórsetedi. Sońǵy eki jylda oblysta eki memlekettik joǵary oqý ornynda 1000-nan asa stýdentter turatyn jataqhana soǵylyp, paıdalanýǵa berildi, bul árıne qýantarlyq jaǵdaı. Aǵymdaǵy jyldyń ІІ jarty jyldyǵynda stýdent jastarymyzǵa arnalǵan taǵy da eki jataqhanyń qurylys jumystaryn bastaý kózdelip otyr»,-dedi aımaq basshysy.
Sonymen qatar, ákim Shymkent qalasy aýmaǵynda eń úlken «Qazaq jańa ınnovatsııalyq ýnıversıtet» salý josparlanyp jatqanyn málim etti. Búginde bilim ordasyna 150 ga jer bólinip otyr. 10 myńǵa jýyq stýdent bilim alatyn ınnovatsııalyq ýnıversıtette barlyq salalar qamtylyp, stýdentterge jataqhanalar, turǵyn úıler jáne áleýmettik nysandar salý qarastyrylǵan, dedi oblys ákimi .
Aıta keteıik, búginde jalpy oblystaǵy jastardyń sany 750 myń shamasynda, ıaǵnı, oblys halqynyń jalpy sanynyń 26 paıyzyn jastar quraıdy. Sondyqtan da jastardy jumyspen qamtý jergilikti bıliktiń basty nazarynda. Máselen, «Dıplommen aýylǵa», «Jastar praktıkasy», «Serpin», «Jasyl el» sekildi jastarǵa arnalǵan memlekettik baǵdarlamalardy júzege asyrýda Ońtústik óńiri aldyńǵy qatarda. Atap aıtar bolsaq, «Dıplommen aýylǵa» baǵdarlamasy boıynsha 905 jas maman, «Jastar praktıkasy» boıynsha 5204 jas jumysqa ornalasty. Al «Serpin» baǵdarlamasy boıynsha bólingen 15 myńnan astam memlekettik granttyń 50 paıyzy nemese 7587-si Ońtústik jastary. Sonymen birge memlekettik baǵdarlamalardy paıdalanýshy jastardyń sany da kúnnen kúnge artyp, 2015 jylmen salystyrǵanda 53,1 paıyzǵa artqan. 
