Shymkentte qaıyrymdylyq aktsııa aıasynda 70 otbasyǵa kómek berildi

ShYMKENT. QazAqparat – «Shymkent – qaıyrymdy qala» aktsııasy aıasynda 70 otbasyǵa kómek berildi. Qarataý aýdandyq ákimdiginiń uıymdastyrýymen jáne Shymkent qalalyq Nur Otan partııasynyń qoldaýymen ótken sharaǵa jergilikti kásipkerler belsendi atsalysty, dep habarlaıdy Qazaqparat tilshisi.

Qaıyrymdylyq sharasy aıasynda turmysy tómen jáne muqtaj otbasylarǵa eń qajetti degen azyq-túlik pen kókónis taratyldy.

«Shymkent – qaıyrymdy qala. Buǵan búgingi is-sharamyz dálel. Qarataýlyq kásipkerlerdiń belsendiligin atap ótip, alǵysymyzdy jetkizgimiz keledi. Turmysy tómen otbasylarǵa 4 mıllıon teńgeniń azyq-túligi jáne turmysqa qajetti zattar taratyldy», – deıdi Qarataý aýdanynyń ákimi Abzal Shymkentbaıuly.

Qarataý aýdany ákimi apparaty kásipkerlik bóliminiń basshysy Gúlsına Berdibekovanyń aıtýynsha, isker azamattar budan ózge «Qaınarbulaq» saıajaıynda órtenip ketken 3 úıdiń shatyryn jaýyp bergen. Aýdan aýmaǵyndaǵy mektepterge qaıyrymdylyqqa quny bir mıllıon teńgeden asatyn zattar tabystalǵan.