Shymkentte qaıyr suraýmen aınalysqan 47 adamǵa aıyppul salyndy

ShYMKENT. QazAqparat - Shymkentte qoǵamdyq oryndarda qaıyr suraýmen aınalysqan azamattar jaýapqa tartyldy, dep habarlaıdy QazAqparat tilshisi.

Shymkent qalasy polıtsııa departamentiniń qyzmetkerleri 28 aqpany men 6 naýryz aralyǵynda qoǵamdyq oryndarda qaıyr suraýmen aınalysqan 43 adamdy anyqtap, olarǵa qatysty ÁQBtK-niń 449-baby (Qoǵamdyq oryndarda tıisý) boıynsha ákimshilik hattama toltyrdy.

Barlyq quqyq buzýshylarǵa bes aılyq eseptik kórsetkish mólsherinde aıyppul salyndy.

Búginde qalada qańǵybastar men qaıyrshylardy anyqtaý, olardy ustaý jáne arnaıy qabyldaý-taratý ornyna ornalastyrý, olar boıynsha ákimshilik sharalar qabyldaý jumystary júrgizilýde.