Shymkentte qaıtys bolǵan jasóspirimniń ólimi kezdeısoqtyq dep baǵalandy
ASTANA. QazAqparat - Shymkentte ózine ózi qol saldy dep boljanǵan is qaralyp bitti, dep habarlaıdy QazAqparat Otyrar telearnasyna silteme jasap.
№77 mektep oqýshysy 18 qańtarda óziniń úıinde asylyp qalǵan jerinen tabylǵan bolatyn. Atalǵan fakt boıynsha «Ózine qol salatyn jaǵdaıǵa jetkizilgen» baby negizinde qylmystyq is qozǵalǵan bolatyn.
Telearnanyń habarlaýynsha, istiń mán-jaıyn tekserý barysynda anyqtalǵany, jeke turǵyn úıde turyp jatqan ol ata-anasy úıde joq kezde shatyrdy tazalamaq bolǵan. Ol qabyrǵaǵa shyqqan soń, kir jaıatyn arqanǵa shyrmalyp, odan bosana almaı qalǵan. Aqyr sońynda býynyp qalǵan.
«Osy is boıynsha tıisti uıymdar saraptaý jumystaryn júrgizdi. Bizge jaǵdaıdyń oqystan bolǵan oqıǵa ekeni týraly anyqtama berdi. Osydan keıin báribir taǵy tekserý júrgizdik. Qalalyq bilim basqarmasy tarapynan aýqymdy jumystar atqaryldy. Profılaktıkalyq jumystardy biz kúnde júrgizemiz. Balalarmen jáne olardyń ata-analarymen áńgimelesemiz. Birneshe márte prokýratýra men ishki saıasat salasynyń mamandaryn da shaqyrǵanbyz»,-dedi № 77 mektep-lıtseıiniń dırektory Іlııas Maqaev.
Shymkentte jyl basynan beri jasóspirimderdiń ózine ózi qol salýynyń №77 oqýshysyn qosa alǵanda 4 jaǵdaıy tirkeldi.
