Shymkentte qaıtys bolǵan azamattyń birneshe sozylmaly aýrýy bolǵan

ShYMKENT. QazAqparat – Shymkentte qaıtys bolǵan bir adamnyń birneshe sozylmaly aýrýy bolǵan. Bul týraly QazAqparat Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtabyna silteme jasap habarlaıdy.

«1968 jylǵy naýqas Shymkent qalasy, Abaı aýdanynyń turǵyny. 20 sáýirde Shymkent qalasyndaǵy juqpaly aýrýlar aýrýhanasynyń reanımatsııalyq bólimine jatqyzyldy. Aýrýhanaǵa túsken kezde, naýqastyń jaǵdaıynyń aýyr bolýyna baılanysty ol jasandy tynys alý apparatyna qosyldy. Naýqasta dılatatsııalyq kardıomıopatııa, júrekshe fıbrıllıatsııasy, arterııalyq gıpertenzııa, sozylmaly júrek jetispeýshiligi, qant dıabeti sııaqty ilespe aýrýlary boldy»,-delingen habarlamada.

Sondaı-aq onda emdeý hattamalaryna sáıkes, naýqasqa barlyq qajetti emdeý sharalary júrgizilgendigi aıtylady. Birneshe ret respýblıkalyq mamandarmen keńes ótkizildi.

«Júrgizilgen reanımatsııalyq is-sharalarǵa qaramastan, 23 sáýirde saǵat 20:30-da naýqas qaıtys boldy. Naýqaspen baılanysta bolǵan barlyq azamattar oqshaýlanyp, karantınge alyndy»,-dep habarlady jedel shtabtan.

Osyǵan deıin Shymkentte koronavırýstan 1 adamnyń qaıtys bolǵandyǵy habarlandy.