Shymkentte qaıtarymsyz qarjy alyp, kásip ashyp jatqan jastar kóp
Búginde Shymkent qalasyndaǵy Jastar ortalyǵynyń mamandary jastarǵa memlekettik baǵdarlamalardy túsindirý jumystaryn bastap ta ketti. Basty maqsat – jastardy memlekettik qoldaý aıasyn túsindirip, neet sanatyndaǵy jastardyń bos ýaqyttaryn tıimdi paıdalaný, ári jumyspen qamtý.
Ortalyqtyń bólim basshysy Dinmuhammed Qanatuly jumyssyz júrgen jáne turaqty tabysy joq jastarǵa memlekettik baǵdarlamalardyń tıimdiligin túsindirip, jumyspen qamtý ortalyqtaryna joldap jatqandyǵyn jetkizdi.
«Jalpy, outreach jáne neet sanatyndaǵy jastardy biz úsh topqa bólip qaraımyz. Birinshi topta jumys isteýge jáne oqyp, jetilýge nıetti jastar sanaty kiredi. Bul toptaǵy jastardy ótpeli kezeńdegi neet sanaty dep te ataýǵa bolady. Ekinshi topta jumys istep, oqý oqýǵa múmkindigi nemese qarjylyq jaǵdaıynyń bolmaýymen baılanystyrady. Al úshinshi toptyń jastary múldem bilim alyp, jumys isteýge talpynbaıtyn jastardy quraıdy. Osyndaı jastarǵa jiger berip, jumyspen qamtý maqsatynda bizdiń bólimniń mamandary qaladaǵy memlekettik mekemeler men kásiporyndarǵa arnaıy kezdesýler uıymdastyrýda, - dedi Dinmuhammed Qanatuly.
Shymkentte ótken jyly probatsııalyq esepte turǵan 500-den astam jas pen outreach, neet sanatyndaǵy jastarǵa arnaıy kezdesýler uıymdastyrylǵan. Nátıjesinde, 200-ge jýyq jas jumyspen qamtylypty.
Al, Abaı aýdandyq jumyspen qamtý ortalyǵynyń mamany Amangeldi Temirbaev «Eńbek» baǵdarlamasy boıynsha qaıtarymsyz qarjy alyp, kásip ashyp jatqan jastardyń kóp ekendigin jetkizdi.
