Shymkentte qaýipti indetten taǵy 11 adam aıyqty

ShYMKENT. QazAqparat – Shymkentte koronavırýs ınfektsııasynan taǵy 11 adam emdelip, aýrýhanadan shyǵaryldy. Bul naýqastar vırýsqa qarsy emdeý men sımptomatıkalyq terapııanyń tolyq kýrsyn alǵan, dep habarlaıdy QazAqparat tilshisi.

Qalalyq tótenshe jaǵdaı shtabynyń málimetinshe, qaýipti vırýsty jeńip shyqqandardyń jastary 6 men 74 aralyǵynda. Dárigerler olardy emdeý barysynda asa bir asqynýlar bolmaǵanyn aıtady. «Emdeý terapııasynan keıin naýqastardan analız synamalary alynyp, teris nátıje kórsetken. 3 mamyr kúni 11 naýqas aýrýhanadan shyǵarylǵan. Aıta keteıik, búginge deıin qaladaǵy juqpaly aýrýlar aýrýhanasynan koronavırýs ınfektsııasyna shaldyqqan 49 naýqas dertinen aıyǵyp shyqty», delingen habarlamada.