Shymkentte «Qaýipsiz qala» sharasy barysynda 9 qylmystyq top ustaldy
ShYMKENT. QazAqparat - Shymkentte bótenniń múlkin urlaý qylmystarynyń aldyn alý, boldyrmaý maqsatynda oblystyq prokýratýranyń bastamasymen «Qaýipsiz qala» jedel aldyn alý is-sharasy ótkizilip jatyr.
Shara barysynda shaharda 9 qylmystyq top ustalyp, 73 qylmystyń beti ashyldy, dep habarlaıdy QazAqparat HAA tilshisi.
Ashylǵan qylmystardyń ishinde páter urlyǵy, avtokólik bólshekterin jáne avtokólikterden zattar urlaý, tonaý, alaıaqtyq tirkelgen. Máselen, páter urlyǵyna qatysty Taraz, Qyzylorda, Shymkent qalasy turǵyndarynyń basqarýyndaǵy qylmystyq toptar ustalǵan. Olarmen qala aýmaǵyndaǵy jalpy 46 páter urlyǵyna qatystylyǵy anyqtalǵan. Búginde tórt adamnan quralǵan top músheleri qamaýǵa alynyp, olardyń ústinen Qylmystyq kodekstiń 188-baby «Urlyq», 190-baby «Alaıaqtyq», 191-baby «Tonaýmen» is qozǵalǵan. Tártip saqshylary ózgeniń qylmystyq qurbany bolmaý úshin, turǵyndarǵa saqtyq sharalaryn tanytý kerektigin túsindiredi: óziniń múlkine muqııat bolý, páterdiń esik-terezesin ashyq qaldyrmaý, úıdiń terezelerine qorǵanysh torlar men dabyl qondyrǵylaryn ornatý, aqsha jáne baǵaly zattardy senimdi jerge saqtap qoıý, sonymen qatar úıge bógde adamdardy kirgizbeý. Avtokólik esikterin bekitip, dabyl júıesin qosýdy, avtokóligin senimdi avtoturaqqa qoıý kerektigin eskertedi.
Jalpy, shym qalanyń jer kólemi artýymen, halyq sany da ósip otyr. Osyǵan sáıkes qylmys sanynyń artýy da qalypty jaǵdaı ekeni belili. Desek te polıtseıler qala aýmaǵynda tirkelgen bótenniń múlkin urlaý qylmystary ótken jylmen salystyrǵanda 12,5 paıyzǵa tómendegenin aıtady.
