Shymkentte «qaýipsiz qala» aktsııasy kezinde myńnan asa jol erejelerin buzý jaıty anyqtaldy
ASTANA. QazAqparat - Taıaýda OQO ІІD Jergilikti polıtsııa qyzmetiniń polıtseıleri Shymkent qalasynda qalyptasqan jedel jaǵdaıdy jaqsartý, jol kólik oqıǵalaryn jáne olardyń saldarynan bolatyn aýyrtpashylyqty tómendetý maqsatynda «Qaýipsiz qala» jedel-profılaktıkalyq is-sharasyn uıymdastyrdy.
Oǵan JPQ qyzmetkerleri men qoǵamdyq kómekshiler, kólik ınspektsııasynyń ókilderi jáne BAQ ókilderi qatysty.
Polıtseıler negizgi zeıindi avtokólikti mas kúıinde basqarý, jyldamdyqty arttyrý, jaıaý júrginshi ótkelderi men jol qıylystarynda manevrler jasaýda jáne tártip saqshylaryna baǵynbaý jáne t.b. jaıttardy anyqtaýǵa kóńil bóldi.
Іs-sharanyń 2-táýliginde jol qozǵalysy salasy boıynsha jalpy 1033 quqyqbuzýshylyq anyqtaldy, onyń ishinde: 11-avtokólikti masań kúıde basqarý, 222-qaýipsizdik beldigin qoldanbaý, 194-uıaly telefon paıdalaný, 142-avtokólikti kúngirtteý, 88-jol belgileriniń talaptaryn buzý, 40-avtokólikterdi qujatsyz basqarý, 19-tyıym salynǵan jerde toqtaý, 6-qarama-qarsy jolaǵyna shyǵý, 127-jaıaý júrginshilermen JJQ buzý, aıypturaqqa jol qozǵalysy erejelerin buzǵan 70- avtokólik qoıyldy.
OQO ІІD JPQ JPPP qyzmetkerleriniń qatysýymen 2 kúndik reıd is-sharasy barysynda 4 qylmys ashyldy. Onyń 2-ýi buzaqylyq jaıty bolsa, 2-ýi urlyq jáne tonaý jaǵdaılary boıynsha qozǵalǵan, dep habarlaıdy OQO ІІD JPQ baspasóz qyzmeti.
