Shymkentte qatygezdikpen óltirilgen mysyqtarǵa qatysty tergeý bastaldy
Áleýmettik jelide basy men aıaq qoly julynǵan mysyqtardyń vıdeosy tarady. Sondaı-aq, qatar jatqyzylǵan 10-ǵa jýyq mysyqtyń denesi qoıylǵan sýretter de bar.
Jelidegi jazbaǵa pikir bildirýshiler kishkentaı mysyqtarǵa aıaýshylyq tanytyp jatyr. Al, qatygezdik tanytýshylardy jaýapqa tartý kerektigin aıtýda. Sondaı-aq, álemdik BAQ ókilderin osy máselege nazar aýdarýǵa shaqyryp otyr.
Jalpy pikir jazýshylar men jazba ıelerine súıensek oqıǵa Shymkent qalasynda bolǵan.
Qazirgi kezde atalǵan jaıtqa qatysty Shymkent qalasy Eńbekshi aýdandyq polıtsııa basqarmasy QR QK-niń 316-baby 3-bóligine sáıkes sotqa deıingi tergeýdi bastady.
«17 maýsymda Shymkent polıtseıleri áleýmettik jelige jáne buqaralyq aqparat quraldaryna monıtorıng júrgizý barysynda janýarlarǵa jasalǵan qatygezdik týraly jazbalardy anyqtady. Atalǵan jaıtqa qatysty Eńbekshi aýdandyq polıtsııa basqarmasy QR QK-niń 316-baby 3-bóligine sáıkes sotqa deıingi tergeýdi bastady. Tıisti saraptamalar taǵaıyndaldy. Bolǵan oqıǵanyń mán-jaıyn anyqtaýǵa baǵyttalǵan is-sharalar júrgizilýde» - dedi Shymkent qalasy polıtsııa departamentiniń resmı ókili Saltanat Qarakózova.