Shymkentte qatty jelden jaryq sónip, birneshe úıdiń shatyrlary qırady
Qalalyq TJD baspasóz qyzmetiniń málimetinshe, keshe qala turǵyndaryna kúshti jel týraly daýyldy aldyn alý eskertý jarııalanǵan.
«Qatty jeldiń saldarynan 20-21 jeltoqsan aralyǵynda saǵat 21:00 den 07:00 ge deıin Shymkent qalasynda elektr júıeleri zaqymdalyp, Pahtakor, Samal-3, Qyzylsaı, Kaıtpas-2, Jańa talap, 4 –shi móltek aýdandary men Akjar, Kaınar bulaq saıajaılarynda, Otkormsovhoz eldi mekeninde jaryq sóndirilgen. Sonymen qatar, Baıtursynov kóshesinde, Soltústik, Nursat móltek aýdandarynda birneshe úıdiń shatyrlary ushqan. Oqıǵa oryn alǵan jerlerde Shymkent qalalyq TJ departamentiniń jáne jergilikti atqarýshy organdarynyń qyzmetkerleri birlesip jumys atqarýda. Qaıtys bolǵandar men zardap shekkender joq», - delingen habarlamada. Al, búgin metereologııa qyzmetiniń málimetinshe, qalada túnde jáne tańerteń kúshti jaýyn-shashyn kútiledi. Jańbyrdyń sońy qarǵa ulasady. Kúnniń ekinshi jartysynda muztaıǵaq, boran bolady dep boljanyp otyr. Ońtústik-batystan jyldamdyǵy sekýndyna 15-ten 25 metrge deıin jel turady degen eskertý tarady.
Aıta keteıik, keshe qala turǵyndaryna dabyldy aldyn ala eskertý habarlamalary túsken bolatyn. Jeldiń kúsheıgen kezinde qandaı áreketter jasaý kerektigi týraly azamattarǵa nusqaýlyq ta berilgen.
