Shymkentte qatty jelden úıdiń shatyry ushyp, jedel járdem kóligin basyp qalǵan
Qalalyq TJD baspasóz qyzmetiniń málimetinshe, qatty jelden zardap shekkende tótenshe jaǵdaı qyzmetinen kómek surap habarlasqan. Qaladaǵy Ál-Farabı alańy janynda ornalasqan kópqabatty úılerdiń birinde profnastılden jasalǵan shatyr ushyp, jedel járdem avtokóligin basyp qalǵan. Ushqan shatyrdyń kólemi 120 sharshy metrdi quraǵan. Sondaı-aq, Tsıalkovskıı men Dýlatı kósheleriniń boıynda ornalasqan úılerdiń de shatyrlary ushqan. Al, Vodopıanov kóshesinde ornalasqan bir úıdiń ústine úlken tal qulap, elektr symdary úzilgen.
«Barlyq oqıǵalar boıynsha Shymkent qalasy TJD órt sóndirý jáne qutqarý bólimsheleri qyzmetkerleri shyǵyp, avarııalyq-qalpyna keltirý jumysyn júrgizdi. Oǵan 20 adam men 6 tehnıka jumyldyryldy. Jaraqat alǵandar men qaıtys bolǵandar joq. Oqıǵa ornyna energetıka qyzmetiniń mamandary da tartyldy» delingen habarlamada.
