Shymkentte qatań karantınnen keıin 5 myńǵa jýyq azamat kýálikterin jańartqan
ShYMKENT. QazAqparat – «Azamattarǵa arnalǵan úkimet» memlekettik korporatsııasynyń jergilikti ókildigi karantındik shekteýlerden keıin Shymkent qalasynda kóp suratylǵan memlekettik qyzmetterdiń reıtıngin jasady, dep habarlaıdy QazAqparat tilshisi.
Oǵan sáıkes, Shymkentte tótenshe jaǵdaı rejımi alynyp tastalǵannan keıin 5 myńǵa jýyq azamat jeke kýálikterin jańartqan.
Al Mamandandyrylǵan halyqqa qyzmet kórsetý ortalyqtarynda 20 myńnan asa avtokólik qaıta tirkeýden ótkizilgen,
Mamyr aıynda HQO-lardyń ashylýyn jyljymaıtyn múlik ıeleri de kóp kútkeni belgili boldy. Azamattar jyljymaıtyn múlikterin memlekettik tirkeýboıynsha 2 myńnan astam ret júgingen.
Sondaı-aq, júrgizýshi kýáligin alǵysy jáne aýystyrǵysy keletinderge qatysty 6 myńǵa jýyq qujat rásimdelgen.
Qatań karantınnen keıingi suranysqa ıe bolǵan besinshi qyzmet túrine áleýmettik járdemaqylar taǵaıyndaý qyzmeti jatqyzylyp otyr. ıAǵnı, 5 myńnan asa áıelge júktiligi jáne bosanýyna baılanysty beriletin tólemder taǵaıyndalǵan.
Osylaısha, shymkenttikterge 44 myńǵa jýyq memlekettik qyzmet kórsetilgen.
Búginde HQO-larda vırýsty juqtyrý jaǵdaılaryn boldyrmaý úshin azamattar kezekti egov.kz portaly arqyly aldyn ala brondap jatyr.
