Shymkentte qatań karantınge qaramastan saýna jumys istep kelgen

ShYMKENT. QazAqparat - Karantın rejımin saqtamaı, jumysyn jalǵastyrǵan saýna anyqtaldy, dep habarlaıdy Polisia.kz.

Shymkent qalasy Abaı aýdany polıtsııa basqarmasynyń qyzmetkerleri men mobıldi top ókilderi 29 shilde kúni Abaı aýdany aýmaǵynda júrgizgen reıd barysynda karantın talaptaryn elemegen nysandardy anyqtady.

Atap aıtsaq, Shymkent qalasy 1 Mamyr kóshesi boıynda ornalasqan «Opýshka» saýnasy keshki ýaqytta karantın rejımin buzyp, jumys istep jatqan. Oqıǵa ornynda sanıtarlyq talaptar óreskel buzylǵan.

Saýna ákimshisinen túsinikteme alynyp, atalǵan jaıtqa baılanysty Abaı aýdanynyń taýarlar men kórsetiletin qyzmetter sapasynyń qaýipsizdigin baqylaý basqarmasyna is-qujattar joldandy.