Shymkentte kásipkerdi asa qatygezdikpen óltirgen jigit sottaldy
Aıyptalýshy jazasyn óteý merziminiń kóp bóligin qaýipsizdigi qatańdatylǵan túzeý mekemesinde óteıdi. Sot úkimi oqylǵan kezde kúdikti kóz jasyna erik berdi. Tipti sot úkimimen kelispeıtinin jetkizdi.
Aıta keteıik, jantúrshigerlik qylmys naýryz aıynda bolǵan edi. 30 jastaǵy sottalýshy ózi óltirgen kásipkerge bıznes úshin jalǵan qujattar jasap, jer satpaq bolǵan. Alaıda bylyqtyń beti ashylǵan kezde ekeýiniń arasynda janjal týyndaıdy. Sol kezde ol úıine kelgen bıznesmendi baltamen shaýyp, birneshe ret soqqy jasaǵan. Keıin jábirlenýshiniń kóligin alyp, qanǵa malynǵan deneni eshkim joq jerge jaǵyp jibergen. Kóliktegi 500 myń teńgesin de qoldy etipti. Tergeý barysynda qylmysy tolyǵymen dálelin tapqan.
«Tergeý kezinde aıyptalýshy jábirlenýshini qalaı óltirgenin, is áreketin qalaı jasaǵanyn bárin kórsetip berdi. Kásipkerdiń ol kezde tiri bolǵanyn, mashınada otyrǵan kezde qyrdyń basyna aparyp qoıyp, keıin baryp jaǵyp jibergenin bárin ózi aıtyp otyr. Sondyqtan ony asa qatygezdikpen áreket jasady dep, sot ony 99 baptyń 5-shi bóligi 1-shi tarmaǵymen kináli dep tapty», - dedi isti qaraǵan sýdıa Sameddın Temirálıev.