Shymkentte kásipkerden 100 myń dollar bopsalaǵan tórt kúdikti ustaldy
ShYMKENT. QazAqparat - Shymkentte kásipkerden 100 myń dollar bopsalaǵan tórt kúdikti ustaldy. Bul týraly Ońtústik Qazaqstan oblysy Іshki ister departamentiniń baspasóz qyzmeti málim etti, dep habarlaıdy QazAqparat.
2016 jyldyń 14 jeltoqsanynda OQO ІІD Uıymdasqan qylmystyq topqa qarsy kúres basqarmasyna 35 jastaǵy qala turǵyny shaǵymdanǵan. Ol óz aryzynda belgisiz tulǵalardyń qomaqty qarajat talap etip jatqanyn jazǵan.
«Shuǵyl iz kesý sharalary barysynda qaladaǵy kóshelerdiń birinde tártip saqshylary kásipkerden aqsha alyp turǵan jigitterdi qolǵa túsirgen. Seziktilerdiń ekeýi ońtústikten, al, qalǵan ekeýi Mańǵystaý óńiriniń turǵyny bolyp shyqty», - delingen baspasóz baıanynda.
Aıta keterligi, kúdiktilerdiń biri tipti Іshki ister mınıstrliginiń arnaıy esebinde turǵan kórinedi. Bopsalaýshylardan aıǵaqty zat retinde 190 myń teńge tárkilendi. Qazirgi tańda polıtsııa qyzmetkerleri sotqa deıingi tergeý amaldaryn bastap ketti.
Almas Sultan
