Shymkentte qashqyn efreıtor sottaldy
ASTANA. QazAqparat - Shymkent garnızony áskerı soty Qazaqstan Respýblıkasy Qylmystyq kodeksiniń 442 babynda qarastyrylǵan quqyq buzýshylyq áreket (áskerı qyzmetten qashý) jasaǵany úshin áskerı bólimshelerdiń birindegi K esimdi sarbazǵa qatysty qylmystyq isti qarady, dep habarlaıdy Qazaqstan Respýblıkasy Áskerı sotynyń baspasóz qyzmeti.
Áskerı bólim komandıriniń buıryǵymen K-ǵa kezekti eńbek demalysy berilgen. Alaıda, ol demalys bıletinde kórsetilgen ýaqyt boıynsha qyzmetine oralmastan, kúzet agenttigine jumysqa kirgen. Bólimsheniń qońyraý shalýlary men SMS-habarlamalaryna jaýap ta qaıtarmaǵan. Jedel izdestirý sharalary barysynda áskerı polıtsııa qyzmetkerleri K-ny JShS kúzet agenttiginen ustady. Sot otyrysynda K óz kinásin tolyq moıyndap, istegen isine ókinish bildirdi. Sot úkim shyǵarý kezinde K-ny quqyqbuzýshylyqqa kináli dep tanyp, qyzmetkerdiń jastyǵyn, buryn sotty bolmaǵandyǵyn, oń minezdemesin eskere otyryp, 2 jylǵa shartty bas bostandyǵynan aıyrdy. QR QK 49 baby negizinde K. «efreıtor» áskerı ataǵynan aıyryldy.
Shyǵarylǵan úkim zańdyq kúshine endi.
