Shymkentte qarjy pıramıdasyn qurý kúdigimen 6 adam ustaldy

ShYMKENT. QazAqparat – Shymkent qalasynda qarjy pıramıdasyn qurý kúdigimen 6 adam ustaldy, dep habarlaıdy QazAqparat.

«Qarataý aýdanynyń Polıtsııa basqarmasy «Evolution Corporation» jáne «Indigo24» uıymdaryna qatysty QR QK-niń 217-baby 3-bóligi 2-tarmaǵymen qarjy (ınvestıtsııalyq) pıramıdasyn qurý jáne oǵan basshylyq etý faktisi boıynsha sotqa deıingi tergep-tekserý amaldaryn júrgizip jatyr. 2020 jylǵy 23 qarashada Shymkent qalasynyń Mamandandyrylǵan tergeý soty 6 kúdiktige qatysty «kúzetpen ustaý» bultartpaý sharasyn qoldandy. Qazirgi tańda tergeý amaldary jalǵasýda», - dep málim etti Shymkent qalasy Polıtsııa departamentiniń baspasóz qyzmetinen.