Shymkentte qarýlanǵan 4 jasóspirim ustaldy
ShYMKENT. QazAqparat - Shymkentte polıtseıler túngi ýaqytta kóshede ata-analarynyń qaraýynsyz júrgen tórt jasóspirimdi toqtatqan. Tergeý barysynda bireýiniń sómkesinen qarý-jaraqtar tabyldy, dep habarlaıdy «QazAqparat» HAA tilshisi.
1999 jáne 2000 jyly týǵan jasóspirimder ózderimen birge sholaq ańshy myltyǵy, eki travmatıkalyq tapansha alyp júrgeni anyqtaldy. Sómkeden sondaı-aq betperde men pyshaqtar da tabylypty. Soǵan qaraǵanda jasóspirimder tonaýǵa bara jatýy múmkin degen joramal jasaldy.
Qazirgi kezde polıtseıler tórt balanyń qarýdy qaıdan alǵanyn jáne qandaı da bir qylmystarǵa qatystylyǵyn anyqtap jatyr.
Olardyń ústinen Qylmystyq kodekstiń 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha is qozǵalyp, tergeý amaldary júrgizilýde.
