Shymkentte káriz qubyrlaryn tartý kezinde 5 jumysshyny topyraq basyp qaldy
ShYMKENT. QazAqparat - Shymkentte káriz qubyrlaryn tartý jumystary kezinde 5 jumysshyny topyraq basyp qaldy. Olardy qutqarýǵa kelgen qutqarýshynyń ózi orta dárejede jaraqat alǵan, dep habarlaıdy QazAqparat HAA tilshisi.
Oqıǵa búgin kúndizgi saǵat 16-00-der shamasynda qaladaǵy Tastaq kóshesinde bolǵan. «ıÝgsantehmontaj» seriktestiginiń jumysshylary 4-5 metrlik tereńdikte jer qazyp, qubyrlar tartyp jatqanda ústilerine topyraq túsip ketken. Biraz ýaqyt boıy úıindi astynda qalǵandardy janyndaǵylar shyǵara almaǵan soń, qutqarýshylardy shaqyrypty. Topyraq astyndaǵy adamdardy syrtqa shyǵarý barysynda qutqarýshylardyń biri Muhıt Ibragımovtyń ózi de jaraqat alyp, dárigerlerdiń kómegine júgingen. Ol qazir aýrýhananyń jaraqat bóliminde jatyr. Jaǵdaıy ortasha deńgeıde dep baǵalanýda. Topyraq astynda qalǵan jumysshylar da emdeý mekemesine jetkizilip, olarǵa tıisti emdik sharalar júrgizildi.
Endi óńirdiń tótenshe jaǵdaılar qyzmeti men eńbek ınspektorlary bolǵan oqıǵanyń mán-jaıy men sebep- saldaryn anyqtaıtyn bolady.
