Shymkentte qarııalarǵa turaqty túrde áleýmettik qoldaý kórsetilip keledi

ShYMKENT. QazAqparat – Shymkentte ardagerler men zeınetkerlerge turaqty túrde áleýmettik qoldaý kórsetilip keledi. Qarttarǵa shıpajaıǵa joldama berilip, túrli áleýmettik tólem berilýde, dep habarlaıdy QazAqparat tilshisi.

Qalalyq jumyspen qamtý jáne áleýmettik qorǵaý basqarmasynyń málimetinshe, shaharda 80 myńnan asa zeınetker men 10 myńǵa jýyq kópbalaly ana turady.

Bıyl osy toptaǵy azamattarǵa «Densaýlyq», «Aqsý Jabaǵyly», «Aqsý demi», «Salma Karavan» jáne «Kerýen» shıpajaılaryna joldama berilgen. Al, 8 naýryz – «Halyqaralyq áıelder kúnine» oraı 9 500 kópbalaly anaǵa 119,9 mln teńge kóleminde áleýmettik kómek tólengen. Sondaı-aq, 9 mamyr – «Jeńis kúnine» oraı soǵys ardagerleri men múgedekterine 252 myń teńgeden qarajat tabystalǵan.

Budan bólek, 8 maýsymda qalada qarttarǵa jáne belgilengen zeınetkerlik jasqa jetken azamattarǵa arnalǵan «Belsendi ómir súrý uzaqtyǵy» ortalyǵy ashyldy.

Arnaıy emdeý-saýyqtyrý bólim jáne quralmen jabyqtalǵan ortalyq 70-ke jýyq qarııa úshin táýliktiń kúndizgi 4 saǵat ýaqytynda arnaýly áleýmettik jáne medıtsınalyq qyzmet kórsetedi.