Shymkentte qarııalarǵa qyzmet kórsetetin ortalyq ashyldy

ShYMKENT. QazAqparat - Shymkentte «Belsendi ómir súrý uzaqtyǵy» ǵımaratynyń ashylý rásimi ótti. Saltanatty jıynǵa Shymkent qalasynyń ákimi Ǵabıdolla Ábdirahymov qatysyp, ortalyqtyń qyzmetimen tanysty, dep habarlaıdy QazAqparat tilshisi.

Úsh qabattan turatyn ǵımaratta ınternet-kafe men emdik-ýqalaý, fızıkalyq-emdeý bólmesi men kınozal, kitaphana bar. Sondaı-aq, trenajerlyq jáne sportpen shuǵyldaný (ıoga, ústel tennısi, bılıard) aımaqtarymen jáne balalarǵa arnap jabdyqtalǵan oıyn bólmelerimen qamtylǵan. Munda egde jasyna baılanysty ózine qyzmet kórsetýge múmkindigi joq qarttar men belgilengen zeınetkerlik jasqa jetken azamattar, densaýlyq jaǵdaıyna baılanysty jartylaı statsıonarlyq jaǵdaıda júrgen jandarǵa qyzmet kórsetiledi. Ortalyqta 70-ke jýyq qart táýliktiń kúndizgi 4 saǵatynda arnaýly áleýmettik jáne medıtsınalyq qyzmetter ala alady.

Aıta keteıik, Elbasy Nursultan Nazarbaevtyń bıylǵy jyldy «Jastar jyly» dep jarııalaýyna baılanysty qalalyq Jumyspen qamtý jáne áleýmettik qorǵaý men Otbasy, balalar jáne jastar isteri jónindegi basqarmalar ózara áriptestik týraly memorandýmǵa qol qoıǵan bolatyn. Atalǵan qujat boıynsha ortalyqqa keletin qarııalardyń ótken ómirlik tájirıbesin úlgi ónege retinde ata-ana qamqorlyǵynsyz qalǵan balalardyń boıyna sińirý kózdelgen. Olardyń qoǵam aldynda ózderin jaýapty tulǵa retinde sezinýi men óz eliniń patrıoty bolýy baǵytynda birqatar mádenı is-sharalar júzege asyrylmaq.