Shymkentte qaraýsyz turǵan qorǵasyn zaýytynyń ákimshilik ǵımaraty órtendi
ShYMKENT. QazAqparat - Shymkentte qaraýsyz turǵan qorǵasyn zaýytynyń ákimshilik ǵımaraty órtendi. Jalyn shyqqanyn kórip qalǵan kýágerler órt sóndirýshilerdi shaqyrtqan, dep habarlaıdy QazAqparat HAA tilshisi.
Órt sóndirýshilerge habarlama keshe keshke saǵat 19.00 shamasynda túsken. Oqıǵa ornyna órt sóndirýshiler jetkenshe jalyn sóngen. Óńirdiń tótenshe jaǵdaılar departamenti baspasóz qyzmetiniń jetekshisi Zarıpa Turysbekovanyń aıtýynsha jalyn ákimshilik ǵımaratynan shyqqan. Biraq jan-jaǵyna taralmaǵan. Zaýyt biraz ýaqyttan beri qaraýsyz turǵan soń ol jerdegi órt tótenshe jaǵdaılar departamentine tirkelmegen. ıAǵnı, tıisti talaptar boıynsha ıesi joq nysandar órtengende tirkeýge alynbaıdy eken. Sondyqtan qandaı da bir aqparat bere almaımyz, dep otyr.
Aıta keteıik, qorǵasyn zaýytynyń burynǵy qojaıyny Tursynbek Asambaev nesıe alǵan «Forte Bank» bankine 11 mlrd 601 mln teńgeni nemese 61 mıllıona dollardy qaıtarmaı, zaýyttyń barlyq múlki banktiń qaramaǵyna ótip bolatyn. Soǵan qaramastan zaýyttyń burynǵy ıesi zańgeri Baýyrjan Jaqypovpen birge kásiporyndaǵy múlikti satyp, talan tarajǵa salǵany úshin kináli dep tanylǵan. Nátıjesinde Tursynbek Asambaevty 6,5 jylǵa, al zeńerdi 5,5 jylǵa sottap, múlkin tárkilegen bolatyn. Sodan beri kásiporynnyń jumysy toqtap, ǵımarat qaraýsyz turǵan edi.
