Shymkentte karantındik shekteýler taǵy eki aptaǵa uzartyldy
Oǵan sáıkes, karantındik shekteýler saqtala otyryp, qoǵamdyq tamaqtaný oryndarynyń jumys ýaqyty saǵat 7:00-den 00:00-ge deıin uzartyldy. Buǵan deıingi rejımi – 7:00-23:00 bolǵan edi. Bul rette, syıymdylyq 50 paıyzdan aspaýy tıis
Kontıngenti 300 oqýshyǵa deıingi qalalyq jáne aýyldyq mektepter balalar sanyn 15-ten asyrmaı dástúrli formatta bilim beretin bolady. Sondaı-aq jalpy bilim beretin mektepterde 1-5 synyp, halyqaralyq mektepterde 7 synypqa deıin bala sanyn 15-ten asyrmaı kezekshi synyptar qurylady. Ata-analar tıisti ótinish jazýy qajet.
Sporttyq obektilerde (fıtnes-ortalyqtary, trenajer zaldary, sporttyq-saýyqtyrý ortalyqtary, jabyq jáne jartylaı jabyq sporttyq qurylymdar, muz alańdarynyń onyń ishinde saýda, oıyn-saýyq keshenderi, saýda ortalyqtary, saýda úılerinde ornalasqan muz alańdar) bir adamǵa 5 sharshy metrden kelýi tıis, syıymdylyǵy 50% aspaýy shart, qyzmet rejımi - jumys, demalys jáne mereke kúnderi 09:00-den 23:00-ge deıin. Basseınder aldyn ala jazylý boıynsha jumys isteıdi.
Qaladaǵy qoǵamdyq kólikterdiń sany kóbeıtilip, olardyń jumys, demalys jáne mereke kúnderi júrý ýaqyty saǵat 07:00-den 21:00-ge deıin belgilendi. Betperde taǵý mindetti. Avtobýstyń tolymdylyǵy otyratyn oryn sanynan aspaýy qajet.
Óz jumysyn qaıta bastaǵan nysandarda (bazarlar, qoǵamdyq kólik, kommýnaldyq nysandar, shashtarazdar, sulýlyq salondary, monshalar, saýnalar, sport obektileri, saýda obektileri, bankter, HQKO, «Kazpochta» AQ bólimsheleri, menshik nysanyna qaramastan uıymdar men mekemeler jáne t.b.) koronavırýs ınfektsııasynyń taralýyn aldyn alý baǵytyndaǵy sanıtarııalyq-epıdemıologııalyq talaptardyń saqtalýyna monıtorıng jalǵasatyn boldy.
Mobıldi monıtorıngilik toptar jáne Biryńǵaı úılestirý ortalyǵynyń jumystary kúsheıtilip, karantın talaptaryn buzǵandarǵa qyzmetin ýaqytsha toqtatýǵa deıingi sharalar qoldanylatyn bolady.