Shymkentte karantın talaptaryn buzǵandarǵa 3 mln teńge aıyppul salyndy

ShYMKENT. QazAqparat – 2021 jyldyń 1 qańtarynan bastap búgingi kúnge deıin Shymkent qalasynda 58 reıdtik tekserýler júrgizilip, 1 179 obekt monıtorıngpen qamtyldy. Bul týraly QazAqparat VAK jumysy týraly telegram kanalǵa silteme jasap habarlaıdy.

Onyń ishinde: 777 taǵam obektileri, 345 kommýnaldyq nysandar, 57 balalar men jasóspirimderge arnalǵan obektiler bar.

Qoǵamdyq tamaqtaný oryndarynda jumys isteý rejıminiń saqtalmaýy, toptyq is-sharalardyń ótkizilýi, betperde kııý rejıminiń saqtalmaýy, ruqsat etilgen kelýshiler sanynyń saqtalmaýy jıi kezdesýde. Monıtorıng toppen anyqtalǵan kemshilikter úshin 58 jaýapty tulǵaǵa hattama toltyrylyp, jalpy somasy 3 019 720 teńgege aıyppul salyndy.

Kemshilikter anyqtalǵan obektiler ishinde: 18 qoǵamdyq tamaqtaný oryndary, 1 túngi, 1 lotereıalyq, 3 kompıýterlik jáne 4 bılıard klýbtary, 1 kınoteatr, 8 meıramhana, 1 býrger ortalyǵy, 9 azyq-túlik dúkenderi, 3 loýndj-barlar, 2 qoraz tóbelestiretin oryn, 2 janarmaı quıý beketi, 2 saýda núkteleri, 1 qonaq úı kesheni, 1 monsha, 1 balabaqsha bar.