Shymkentte karantın talaptaryn buzǵan kafe anyqtaldy

ShYMKENT. QazAqparat – Shymkentte karantın talaptaryn buzǵan kafe anyqtaldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

Eńbekshi aýdandyq Polıtsııa bóliminiń mobıldi toby kásipkerlik sýbektileriniń karantın rejımin buzǵanyn anyqtady.

Koronavırýs ınfektsııasynyń aldyn alý, taralý jáne juqtyrý qaýpine qaramastan, birqatar mekeme karantın shekteýin júıeli túrde buzyp keledi.

«15 mamyrda, túngi ýaqytta Eńbekshi aýdanynda ornalasqan «Fısher» kafesi karantın talaptaryna baǵynbaı jumysyn jalǵastyryp jatqany anyqtaldy. Kafeniń kishi zalynda 20 kelýshi ara qashyqty saqtamaı jıyn ótkizgeni belgili boldy.

Osy anyqtalǵan jaıtqa qatysty jınaqtalǵan materıaldar shara qabyldaý úshin Eńbekshi aýdany boıynsha Taýarlar men kórsetiletin qyzmetter sapasynyń qaýipsizdigin baqylaý basqarmasyna is-qujattar joldanyp, kafe ákimshisinen túsinikteme alyndy», delingen habarlamada.