Shymkentte karantın shekteýleri 6 shildege deıin sozyldy
Qala ákimi birinshi orynbasarynyń aıtýynsha, shaharda koronavırýs ınfektsııasy órship tur. Osyǵan oraı karantın merzimi uzaryp, keıbir shekteý sharalary engizilip otyr.
«Qalamyzda shekteý sharasy 22 maýsymǵa deıin edi. Endi karantın 6 shildege deıin sozylyp otyr. Odan bólek, keıbir shekteý sharalary engiziledi. Arnaıy toppen qoǵamdyq kólikter men qoǵamdyq oryndardy aralap shyqtyq. Ókinishke qaraı, saqtyq sharalary durys saqtalmaǵan. Munyń bári qaladaǵy epıdemıologııalyq jaǵdaıdyń kúrdelenýine ákelip soǵady. Osyǵan baılanysty demalys kúnderi qalanyń kúndelikti ómirine qajetti nysandardan basqa nysandar jumysyn toqtatady. ıAǵnı, senbi, jeksenbi kúnderi barlyq azamattar óz otbasymen úıinde otyrýy kerek. Eger biz osyndaı sharalardy saqtamaıtyn bolsaq, koronavırýsty aýyzdyqtaý múmkin emes. Aldaǵy 20, 21 maýsym kúnderinen bastap qaladaǵy oıyn-saýyq ortalyqtary, iri saýda oryndary, bazarlar, saýda úıleri men ortalyqtary, fıtnes ortalyqtary, basseınder jáne sport nysandarynyń jumysy toqtaıdy. Biraq tek senbi, jeksenbi kúnderi. Bul oraıda kópqabatty turǵyn úılerdiń aýmaǵyndaǵy azyq-túlik, jeke azyq-túlik dúkenderi jáne qaladaǵy kóterme bazar «Jibek joly» men «Qazybek» bazary jumysyn isteıdi», – dedi qala ákiminiń birinshi orynbasary.
Erbol Sadyr sondaı-aq, qoǵamdyq tamaqtaný oryndarynyń jumysy toqtaıtynyn jáne tek qana ashyq dalada tamaqtaný orny bar jáne sanıtarlyq normalardy saqtaǵan oryndar ǵana óz jumysyn jalǵastyratynyn aıtty. Al, qoǵamdyq kólik senbi, jeksenbi kúnderi tolyq toqtaıdy. Basqa kúnderi merzimine shekteýler engizilip, tańǵy saǵat 07:00-den 11:00-ge deıin jáne tústen keıin 17:00-den keshki saǵat 20:00-ge deıin ǵana júredi.
«22 maýsymnan bastap HQO jáne Jumyspen qamtý ortalyǵynyń jumysyna da shekteý qoıylady. Olar tańǵy saǵat 08:00-den 12:00-ge deıin ǵana jumys isteıdi. Onyń ózinde onlaın kórsetilmeıtin qyzmetterdi ǵana iske asyrady. Munda keletin azamattar onlaın kezekke turýy kerek. Sonymen qatar, halyq kóp jınalatyn kósheler, arbattar, skverler, sporttyq jáne balalarǵa arnalǵan alańshalar, týrıstik oryndar, saıabaqtardyń barlyǵy jumysy toqtatady. Odan bólek, qaladaǵy ofıste, memlekettik mekemelerde jumys jasaıtyn kásiporyndardyń barlyǵyna jumysshylarynyń 80%-na deıin onlaın rejımde jumys isteýge kóshý týraly sheshim qabyldanǵan»,- dedi qala ákiminiń birinshi orynbasary.
Erbol Ábilhaıyruly bul sharalardyń barlyǵy turǵyndardyń densaýlyqtarynyń saqtaý úshin jasalyp jatqanyn atap ótti.
«Ár azamat óziniń densaýlyǵy, jaqyndarynyń amandyǵy úshin saqtanýy kerek. Eger sizder tarapynan sanıtarlyq normalar saqtalynbasa, koronavırýsty aýyzdyqtaýymyz múmkin emes. Nátıjesinde, qaladaǵy shekteý sharalaryn budan da qatty kúsheıtýge májbúr bolamyz», – dedi E.Sadyr.