Shymkentte karantın merzimi uzartyldy
Shymkent qalasynyń Bas memlekettik sanıtarııalyq dárigeri Ábdimanap Tólebaevtyń «Shymkent qalasynyń aýmaǵynda karantındik, shekteý sharalaryn uzartý týraly» 17 jeltoqsandaǵy №46 qaýlysy boıynsha qala aýmaǵynda 21 jeltoqsannan bastap 2021 jylǵy 11 qańtar saǵat 00:00-ge deıin karantın jáne shekteý sharalary uzartyldy.
Qujatta adamdar kóp jınalatyn kez kelgen is sharany ótkizýge tyıym salynǵan (as berý, týǵan kún, qudalyq, toı, betashar jáne basqa).
65 jastan asqan adamdardyń qalada júrýi shektelgen.
Qoǵamdyq orynǵa, adam kóp jınalatyn obektilerge barǵanda, qoǵamdyq kólikke kirgen kezde betperde kııý, antıseptıkti paıdalaný talaby qatań saqtalady.
Jumys berýshi jumys ýaqytyn barynsha qysqartyp, keńse qyzmetkeriniń 50 paıyzyn qashyqtan jumys isteýge kóshiredi.
Azyq-túlik bazary, azyq-túlik emes bazarlar (mamandandyrylǵan, kıim-keshek, mal jáne kólik bazary), jármeńke qyzmeti, syıymdylyǵy 30% aspaıtyn jáne 1 kelýshige 4 sharshy metr araqashyqtyqty saqtaýmen jumys kúnderi saǵat 06:00-den 18:00-ge deıin, demalys jáne mereke kúnderi 09:00-den 17:00-ge deıin ýaqyty shekteledi, jabyq emes bazarlar qalypty jaǵdaıda jumys isteıdi.