Shymkentte karantın kezinde oıynhanalar jumys istep turǵan
30 shildede Eńbekshi aýdany boıynsha júrgizilgen jedel profılaktıkalyq is-sharalar nátıjesinde Shymkent qalasy boıynsha bas memlekettik sanıtar dáriger qaýlysynyń talaptaryn saqtamaı, túngi 23.00 shamasynda «THE GAME» oıynhanasy jumys jasap turǵany anyqtaldy. Bul nysan Shymkent qalasy 18-móltekaýdan T.Rysqulov kóshesi boıynda ornalasqan.
Tekserý barysynda oıynhana ishinde 11 adamnyń bolǵany anyqtalyp, oıynhana ıesine zańdy shara qoldaný úshin Eńbekshi aýdany taýarlar men kórsetiletin qyzmetter sapasynyń qaýipsizdigin baqylaý basqarmasyna jáne oıynhananyń zańdylyǵyn tekserý úshin Shymkent qalasy boıynsha memlekettik kirister departamentine is-qujattar joldandy.
31 shildede Temirlan tas joly boıyndaǵy «Alash» bazarynyń aýmaǵynda ornalasqan ataýy joq oıynhana karantın rejımine qaramastan jumys jasap turǵany anyqtaldy.
Atalǵan jaıt boıynsha oıynhana ákimshisinen túsinikteme alyndy. Onda jeke kásipker ǵımarat ishinde qyzmetshiler men kúzetshi bolǵanyn kórsetken.
Degenmen, jınaqtalǵan dáleldemelerdi basshylyqqa ala otyryp, QR ÁQBtK 425-baby 1-bóligimen tıisti shara qoldaný úshin Shymkent qalasy taýarlar men kórsetiletin qyzmetter sapasynyń qaýipsizdigin baqylaý basqarmasyna is-qujattar joldandy.