Shymkentte karantın kezinde karaoke jáne laýnj bar jumys istegen
ShYMKENT. QazAqparat - Shymkentte karantın shekteýin elemegen karaoke jáne laýnj bar anyqtaldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
Eńbekshi jáne Ál-Farabı aýdany aýmaǵynda polıtseıler reıd ótkizdi.
19 shildede túnde reıd barysyna Eńbekshi aýdany Polıtsııa basqarmasy men jumysshy top ókilderi aýdandaǵy Taýke han dańǵylyndaǵy 73-úıdegi «GQ» karaoke barynyń jumys istep turǵanyn anyqtady. Bar Shymkent qalasynyń Bas memlekettik sanıtarlyq dárigeriniń 9 shildedegi №26 qaýlysynyń talaptaryn óreskel buzǵan. Zańdy shara qoldaný maqsatynda qujattar Shymkent qalasy Taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
Sondaı-aq, Ál-Farabı aýdany Polıtsııa basqarmasy Adyrbekov kóshesindegi 39-úıde ornalasqan «Mıata» Lounge barynyń ishinde saǵat 00:38 shamasynda 7-8 adamnyń otyrǵanyn anyqtady. Kelýshilerden túsinikteme alynyp, 2 azamatqa QR ÁQBtK-niń 441-baby boıynsha ákimshilik hattama toltyrylǵan. «Mıata» Lounge barynyń ıesi men kelýshi azamattarǵa qatysty qujattar jınaqtalyp, QR ÁQBtK-niń 425-baby 1-tarmaǵy boıynsha ákimshilik shara qoldaný úshin Ál-Farabı aýdandyq Taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
