Shymkentte karantın 8 maýsymǵa deıin uzardy

ShYMKENT. QazAqparat - Shymkentte karantın sharalary 8 maýsymǵa deıin uzardy, dep habarlaıdy QazAqparat.

Shymkent qalasy bas memlekettik sanıtar dárigeriniń jańa qaýlysyna sáıkes, shahardaǵy karantın shekteýleri 8 maýsym saǵat 00:00-ge deıin sozyldy.

Qujat boıynsha balabaqshalardyń jumysyna jáne sońǵy qońyraý, túlekter keshi sekildi sharalardy ótkizýge tyıym salynǵan. Sonymen qatar kópshilik sharalar jáne otbasylyq otyrystar ótkizilmeıdi. Úıden shyqqanda mindetti túrde maska taǵyp, araqashyqtyqty saqtap júrý kerek.

Barlyq toptaǵy sýbektiler (saýda, qyzmet kórsetý, qarjy jáne basqalar) tańǵy 10:00 men keshki 18:00 aralyǵynda ǵana jumys isteı alady. Bul nysandarda sanıtarlyq-epıdemıologııalyq talaptar qatań saqtalýy tıis.

Qaýlynyń tolyq mátinimen myna siltemede tanysýǵa bolady.